Aleema Khan's tweet after the end of PTI's march in Islamabad
Fawad Chaudhry's tweet on dialogues between government and PTI
Ahmad Noorani's tweet regarding the number of PTI workers killed in protest
Jemima Khan's tweet in favour of Imran Khan's release
What happened at D-Chowk last night? Hamid Mir shares inside details
Shahbaz Gill's tweets after the End of PTI dharna in Islamabad
Iran Asks IMF For $5 Billion Emergency Funding to Fight Coronavirus
Posted By: Ghulam Ali, March 12, 2020 | 09:58:41Iran Asks IMF For $5 Billion Emergency Funding to Fight Coronavirus
ایران نے ساٹھ سال بعد آئی ایم ایف سے قرضہ مانگ لیا
ایران نے کورونا وائرس سے نمٹنے کے لیے 1962 کے بعد پہلی مرتبہ عالمی مالیاتی فنڈ (آئی ایم ایف) سے مالی معاونت کے لیے رجوع کرلیا ہے۔
ایران میں کورونا وائرس سے مزید 75 اموات کے بعد ہلاکتوں کی تعداد 429 تک پہنچ گئی ہے جب کہ کورونا کے ایک ہزار مزید نئے کیسز آئے ہیں جس کے بعد متاثرہ افراد کی کل تعداد 10 ہزار سے زائد ہوگئی ہے۔
خیال رہے کہ چین میں 3 ہزار 169 اور اٹلی میں 827 ہلاکتوں کے بعد ایران میں کورونا وائرس سے سب سے زیادہ ہلاکتیں ہوئی ہیں۔
کورونا وائرس کے باعث ایرانی رکن پارلیمنٹ فاطمی رہبر بھی ہلاک ہو چکی ہیں جب کہ ایران کی نائب صدر برائے خواتین سمیت متعدد اراکین پارلیمنٹ میں وائرس کی تصدیق کی گئی ہے۔
معیشت کے حوالے سے امریکا کے معروف نشریاتی ادارے بلوم برگ کے مطابق 1960 کے بعد یہ پہلی مرتبہ ہوا ہے کہ ایران نے مالی امداد کے لیے آئی ایم ایف سے رجوع کیا ہے۔
ایران کے مرکزی بینک کے سربراہ عبدالنصر حماتی کے مطابق ایران نے آئی ایم ایف کے ریپڈ فناسنگ ڈیپارٹمنٹ انسٹرومنٹ سے 5 ارب ڈالر فراہم کرنے کی درخواست کی ہے۔
عبدالنصر حماتی کے مطابق آئی ایم ایف کا کہنا ہے کہ اس کے پاس ممبر ممالک کو وبا سے نمٹنے کے لیے 50 ارب ڈالر دستیاب ہیں۔
ان کا مزید کہنا ہے کہ ایران پر اس وقت آئی ایم ایف کے کوئی بقایا جات نہیں ہیں۔
' امید ہے آئی ایم ایف ذمہ داری کا مظاہرہ کرے گا'
ایرانی وزیرخارجہ جواد ظریف کا اپنے بیان میں کہنا ہے کہ امید ہے کہ آئی ایم ایف ذمہ داری کا مظاہرہ کرے گا اور تاریخ کے صحیح رخ پر کھڑے ہوتے ہوئے ہماری درخواست پر جلد عمل کرے گا۔
IMF's @KGeorgieva has stated that countries affected by #COVID19 will be supported via Rapid Financial Instrument. Our Central Bank requested access to this facility immediately.
— Javad Zarif (@JZarif) March 12, 2020
IMF/IMF Board should adhere to Fund's mandate, stand on right side of history & act responsibly.
خیال رہے کہ ایران پر امریکا اور عالمی اداروں کی جانب سے سخت معاشی پابندیاں عائد ہیں۔
اس حوالے سے ایران کے مرکزی بینک کے سربراہ کا کہنا ہے کہ ایران کے پاس یورپ اور دیگر جگہوں پرپابندی سے آزاد معاشی اور بینکنگ ذرائع ہیں جن کے ذریعے وہ آئی ایم ایف ہم سے ڈیل کرسکتا ہے۔
Source
