Imran Khan's friend Salman Ahmad's aggressive tweet against Bushra Bibi
Aerial view of huge rally under Ali Amin Gandapur's leadership heading towards Islamabad
You have destroyed Pakistan - A citizen bashes Uzma Bukhari on her face
Saudi scholar declares citizenship of non-Muslim countries haraam
Exchange of harsh words between CM Ali Amin Gandapur and Bushra Bibi
CM Ali Amin Gandapur is giving money to bring people to protest - Shandana Gulzar
France Cracks Down on Mosques, 76 Mosques To Be Investigated
Posted By: Majid Khan, December 03, 2020 | 23:12:46France Cracks Down on Mosques, 76 Mosques To Be Investigated
فرانس میں شدت پسندی کے شبہے میں درجنوں مساجد کی تحقیقات شروع
فرانسیسی حکام نے اسلامی انتہا پسندی سے ممکنہ روابط کی بنیاد پر درجنوں مساجد اور عبادت کے لیے مختص ہالز کا معائنہ شروع کرنے کا حکم دیا ہے۔
وزیرِ داخلہ جیرالڈ ڈارمانین نے اس کریک ڈاؤن کا اعلان کرتے ہوئے کہا کہ اگر مساجد ’علیحدگی پسندی‘ کی حوصلہ افزائی کرتی پائی گئیں تو انھیں بند کر دیا جائے گا۔
ایسا انتہا پسندی سے نمٹنے کے لیے ایک قانون متعارف کرائے جانے کے ایک ہفتہ بعد کیا جا رہا ہے۔
یہ اکتور میں ہون والے حملوں کے ردِ عمل میں کیا گیا ہے جن کا الزام اسلامی انتہا پسندوں کو دیا جاتا ہے۔ ان واقعات میں ٹیچر سیمیول پیٹی کا سر قلم کیے جانے کا بہیمانہ واقعہ بھی شامل ہے۔
فرانسیسی میڈیا کے مطابق جیرالڈ ڈارمانین نے علاقائی سکیورٹی کے سربراہوں کو بھیجے گئے ایک نوٹ میں کہا کہ 76 مساجد اور نماز پڑھنے کے ہالز کے خصوصی چیکس اور نگرانی ہو گی، جن میں سے 16 پیرس کے علاقے میں واقع ہیں۔
انھوں نے ان میں سے 18 کے متعلق فوری کارروائی کا حکم دیا ہے۔ یہ معائنے جمعرات سے شروع ہو رہے ہیں۔
ایک ٹویٹ میں انھوں نے اسے دہشت گردی سے نمٹنے کے لیے ایک بڑا اور بے مثال عمل قرار دیا۔
روئٹرز نیوز ایجنسی کے مطابق ریاستی انسپیکٹرز ان کی مالی معاونت، امام کے روابط، اور ممکنہ طور پر بچوں کو قرآن سکھانے کے سکولز کا معائنہ کریں گے۔
پیرس میں بی بی سی کے نامہ نگار ہیو سکوفیلڈ کے مطابق حالیہ دنوں میں وزیر داخلہ ڈارمانین کے اختیارات کو فرانس میں پولیس کی جانب سے بدسلوکی اور پولیس آفیسرز کی شناخت کے تحفظ کے مجوزہ قانون کی وجہ سے دھچکہ لگا ہے۔
’مسلمانوں میں بڑے پیمانے پر انتہا پسندی نہیں‘
فرانس میں کل دو ہزر چھ سو عبادت گاہیں ہیں اور اس حوالے سے 76 عبادت گاہوں کا معائنہ کوئی بڑی بات نہیں ہے۔
وزیرِ داخلہ کہتے ہیں کہ حقائق کے مطابق فرانس کے مسلمانوں میں بڑے پیمانے پر انتہا پسندی نہیں ہے۔
انھوں نے کہا کہ ’فرانس میں تقریباً تمام مسلمان جمہوریہ کے قوانین کا احترام کرتے ہیں اور انھیں اس (انتہا پسندی) سے دکھ ہوا ہے۔‘
سیمیول پیٹی کا سر قلم کرنے اور نیس کے قریب کیتھیڈرل میں تین افراد کے چاقو سے قتل کے واقعے سے فرانس میں غم و غصے کا اظہار کیا گیا تھا۔
سوشل میڈیا پر کچھ لوگوں نے پاٹی کے ایک کلاس میں پیغمبرِ اسلام کے متنازع خاکوں کو دکھانے کی وجہ سے کردار کشی کی تھی۔
فرانس کی ایک اعلیٰ عدالت نے گریٹ موسک آف پینٹن کو چھ ماہ بند کرنے کا حکم دیا ہے کیونکہ ایک ویڈیو میں پاٹی کی مذمت کی گئی تھی۔ یہ مسجد دارالحکومت پیرس کے نواح میں شمال مشرق کی طرف ایک کم آمدنی والے علاقے میں واقع ہے۔
فرانس کی قومی شناخت میں ریاستی سکیولرازم کی مرکزی حیثیت ہے۔ اس کے مطابق عوامی جگہیں، چاہے وہ کلاس رومز ہوں، کام کی جگہیں یا وزارتیں، مذہب سے بالکل فری ہونی چاہییں۔
Source: BBC Urdu
