A student questions an army officer about General (R) Bajwa's alleged properties abroad
Imran Khan's friend Salman Ahmad's aggressive tweet against Bushra Bibi
Aerial view of huge rally under Ali Amin Gandapur's leadership heading towards Islamabad
You have destroyed Pakistan - A citizen bashes Uzma Bukhari on her face
Imran Riaz Khan's views on Bushra Bibi's statement about Saudi Arabia
Saudi scholar declares citizenship of non-Muslim countries haraam
Vehari: Madrassa Ke Qari Ne 8 Saal Ke Bache Ko Sabaq Yaad Na Karne Per Jaan Se Maar Dia
Posted By: Arif M, January 04, 2021 | 07:18:28Vehari: Madrassa Ke Qari Ne 8 Saal Ke Bache Ko Sabaq Yaad Na Karne Per Jaan Se Maar Dia
ملتان: وہاڑی میں مدرسے کے قاری کے تشدد سے 8 سالہ طالب علم جاں بحق ہوگیا۔
تفصیلات کے مطابق ملتان کے ضلع وہاڑی کے نواحی گاؤں میں قاری نے سبق یاد نہ کرنے پر 8 سالہ طالب علم کو بہیمانہ تشدد کا نشانہ بنایا۔
قاری کے تشدد کی وجہ سے 8 سالہ طالب علم جاں بحق ہوگیا جس کی لاش کو ضابطے کی کارروائی کے لیے اسپتال منتقل کیا گیا۔
طالب علم کی ہلاکت کے بعد پولیس نے قاری کو گرفتار کر کے تھانے منتقل کردیا۔ اہل خانہ کے مطابق بچے کے جسم پر تشدد کے نشانات ہیں، قاری نے بچے کو تاروں سے مارا، وحشیانہ تشدد کی وجہ سے بچہ بے ہوش ہوگیا تھا۔
مقتول کے والد محمد یاسین نے بتایا کہ ’میرے دو بیٹے گزشتہ چار ماہ سے مدرسے میں زیر تعلیم تھے، 8 سالہ محمد شہزاد اور 6 سالہ محمد مبشر ناظرہ کی تعلیم کے لیے مدرسے جاتے تھے لیکن سردی زیادہ ہونے کی وجہ سے میں نے پچھلے چند ماہ سے دونوں بیٹوں کو مدرسے میں ہی داخل کر دیا تھا۔‘
محمد یاسین کے مطابق ’مدرسے کا معلم پہلے بھی تشدد کرتا تھا اور میں نے پہلے بھی ان کو کہا تھا کہ بچوں کو مارا نہ کریں پڑھائی سے بھاگ جائیں گے، معلم کی یقین دہانی کے بعد ہی میں نے10 دن پہلے بچوں کو مدرسے میں چھوڑا تھا اور اپنے نمبر معلم کو دیے اور کہا کہ کسی مسئلہ کی صورت میں مجھے اطلاع دیں۔‘
محمد یاسین کہتے ہیں کہ مجھے صورتحال کا اس وقت پتہ چلا جب میرے چھ سالہ بیٹے کی لاش گھر پر لائی گئی۔
’شام کو مدرسے کے چند طالب علم چارپائی پر چھ سالہ مبشر کی لاش میرے گھر لے کر آئے، میرے بڑے بیٹے کے سامنے قاری صاحب نے تشدد کیا اور انہیں زمین پر پٹخ دیا جس کی وجہ سے سر پر شدید چوٹیں آئیں اور وہ چل بسا۔‘
محمد یاسین کے مطابق مدرسے میں 50 سے 60 طلبا زیر تعلیم ہیں۔
مقتول کے چچا محمد جمشید نے بتایا کہ' بچے پر تشدد کے بعد جب حالت بگڑی تو ایک مقامی ڈاکٹر کے پاس لے کر گئے جہاں ڈاکٹر نے کہا کہ بچے کی حالت تشویشناک ہے اسے فورا ہسپتال لے جائیں لیکن بچہ راستے میں ہی دم توڑ گیا تھا۔‘
اسپتال ذرائع کے مطابق قاری کے تشدد سے جاں بحق ہونے والے طالب علم کی شناخت مبشر کے نام سے ہوئی، پوسٹ مارٹم رپورٹ میں تشدد ثابت ہوگیا۔
ذرائع کے مطابق پولیس نے ملزم کو گرفتار کرلیا مگر واقعے کا مقدمہ تاحال درج نہیں کیا جاسکا۔
Source-1: ARY News
Source-2: UrduNews
