Viral Video: French President Macron ignores Indian PM Modi’s handshake at Paris AI summit
Has Kashif Abbasi talk show gone off-air? Details by Absar Alam
I will never go to Pakistan because of its blasphemy law - Mark Zuckerberg
I didn't write letter to Army chief for the deal - Aleema Khan shares Imran Khan's conversation
Island in the Sky, Dubai plans to build a floating island
Mjej Jahaz Khareed Kar De Den Us Per Main Idhar Udhar Pohanch Jaon - Sanam Javed
We Want Peaceful Relations With India - PM Imran Khan's Letter To Narendra Modi
پاکستانی وزیرِ اعظم عمران خان کا انڈین وزیرِ اعظم نریندر مودی کو ’شکریہ‘ کا جوابی خط
پاکستانی وزیرِ اعظم عمران خان نے چند روز قبل انڈین وزیرِ اعظم نریندر مودی کی جانب سے یومِ پاکستان کے تہنیتی خط کا جواب دیا ہے جس میں اُنھوں نے تنازع کشمیر کے حل کی اہمیت پر زور دیا ہے۔
حکومتِ پاکستان کے ذرائع نے سوشل میڈیا پر گردش کرنے والے اس خط کی تصدیق کر دی ہے۔
انتیس مارچ کو لکھے گئے اس خط میں عمران خان نے انڈین وزیرِ اعظم کے خط کا شکریہ ادا کیا اور کہا کہ پاکستانی عوام بھی انڈیا سمیت تمام پڑوسیوں کے ساتھ پرامن اور باہمی تعاون پر مبنی تعلقات چاہتے ہیں۔
عمران خان نے مزید لکھا کہ ہمیں یقین ہے کہ جنوبی ایشیا میں پائیدار امن و استحکام انڈیا اور پاکستان کے درمیان تمام زیرِ التوا تنازعات کے حل سے ہی ممکن ہے جس میں خصوصی طور پر جموں و کشمیر کا تنازع شامل ہے۔
اُنھوں نے اس خط میں کووڈ 19 کی عالمی وبا کے خلاف انڈیا کے لوگوں کی کوششوں کے لیے بھی نیک تمنّاؤں کا اظہار کیا۔
واضح رہے کہ 23 مارچ کو انڈیا کے وزیرِ اعظم نریندر مودی نے پاکستانی وزیرِ اعظم عمران خان کو یومِ پاکستان کی مبارکباد دیتے ہوئے کہا تھا کہ ایک پڑوسی ملک کے طور پر انڈیا پاکستان کے عوام کے ساتھ خوشگوار تعلقات چاہتا ہے۔
اسی طرح انڈیا کے صدر رام ناتھ کووند نے بھی پاکستان کے صدر عارف علوی کے نام ایک خط میں اُنھیں یوم پاکستان کے موقعے کے حساب سے مبارکباد پیش کی تھی۔
Source: BBC Urdu
