Youtuber Sajal Malik's response over allegations of her leaked videos
Imran Khan Ka Ab Jail Se Janaza Hi Nikley Ga Aur Woh Bohat Bara Janaza Hoga - Mufti Abdul Qavi
Biggest terror attack in Indian Kashmir's Pahalgam: 27 tourists dead, 12 inured
Hina Aap Achi Tarah Meri Taraf Dekhein - Speaker Ki Farmaysh Per Hina Pervez Butt Sharmaa Gai
Muhammad Zubair tells interesting story about Asad Umar of 2013 elections
PTI is ready to make seat adjustments with Maulana in next election and give him the post of President of Pakistan - Hamid Mir
Malik Riaz Ne Aik Baar Phir Qanoon Ki Dhajiyan Ura Dein
Youtube
ملک ریاض اور انکی اہلیہ کا دبئی سے واپسی پر کورونا ٹیسٹ کروانے سے انکار
لاہور: سول ایوی ایشن اتھارٹی (سی اے اے) نے علامہ اقبال انٹرنیشنل ایئرپورٹ پر کووِڈ 19 کی پابندیوں سے انحراف کرنے پر ریئل اسٹیٹ ٹائیکون ملک ریاض اور ان کی اہلیہ کے خلاف کارروائی کی سفارش کی ہے۔
ڈان اخبار کی رپورٹ کے مطابق ملک ریاض اور ان کی اہلیہ بینا ریاض کی جانب سے کووِڈ 19 کا ٹیسٹ کروانے سے انکار پر ایئرپورٹ کے چیف آپریٹنگ آفیسر/ ایئرپورٹ منیجر نے اپنی سفارشات کراچی میں سی اے اے ہیڈکوارٹر میں اعلیٰ حکام کو بھجوائیں۔
یاد رہے کہ سی اے اے نے یکم مئی کو ملک میں آنے والے مسافروں کے لیے نئے پروٹوکولز جاری کیے تھے جس میں تمام بین الاقوامی ایئر لائنز کو ہدایت کی گئی تھی کہ تمام مسافروں اور عملے کے ایس او پیز پر عملدرآمد کو یقینی بنایا جائے۔
اعلامیے میں مزید کہا گیا تھا کہ تمام مسافروں کو آمد پر آر اے ٹی کروانا ہوگا جس پر عملدرآمد نہ ہونے کا نتیجہ سخت سزا کی صورت میں نکلے گا۔
چنانچہ پیر کے روز ارسال کردہ مراسلے میں 'اے آئی آئی اے'، 'سی او او' اختر مرزا نے کہا کہ ملک ریاض ان کی اہلیہ اور ان کے ساتھ ایک مسافر نے 2 مرتبہ کووِڈ ٹیسٹ کروانے سے یکسر انکار کردیا، ایک مرتبہ ایئر پورٹ پر دوسری مرتبہ جب ایک ٹیم ان کی رہائش گاہ پر بھیجی گئی۔
سرکاری مراسلے میں کہا گیا کہ '16 مئی کو بحریہ ٹاؤن کے سی ای او دیگر 4 مسافروں کے ہمراہ ایک چارٹرڈ فلائٹ کے ذریعے دبئی سے علامہ اقبال انٹرنیشنل ایئرپورٹ کے اسٹینڈ نمبر 2 پر اترے تھے۔
مراسلے کے مطابق 'امیگریشن کی کارروائیوں کے بعد ڈیوٹی پر موجود سی اے اے کے عملے نے ان سے اینٹیجن (کووڈ) ٹیسٹ کروانے کی درخواست کی لیکن وہ کوئی جواب دینے کے بجائے باہر کی جانب چل دیے۔
بعدازاں سی اے اے عملے نے انہیں دوبارہ حکومتی ہدایات کے بارے میں بتایا لیکن 'بحریہ ٹاؤن کے سی ای او، ان کی اہلیہ اور مسافر محمود قریشی بغیر ٹیسٹ کروائے ایئرپورٹ سے باہر نکل گئے'۔
تاہم ملک ریاض کے ساتھ آنے والے دیگر مسافروں نے ٹیسٹ کروایا جس کا نتیجہ منفی آیا۔
ایئرپورٹ منیجر کے مطابق بعد میں لاہور ایئرپورٹ کے طبی عملے کی ایک ٹیم ان کی رہائش گاہ پر بھجوائی گئی لیکن انہوں نے نمونے دینے سے انکار کردیا۔
دوسری جانب کنٹونمنٹ ڈویژن کے ایس پی آپریشن سید علی نے کہا کہ پولیس کو مذکورہ بالا مسافروں کے خلاف کوئی شکایت موصول نہیں ہوئی۔
Source: Dawn
