Chief Justice Sahib! Ager tum ne maa ka dodh piya hai tu masjid gira kar dikhao

Home Talk Shows All Shows Cricket User Posts Submit Your Post Live News Channels Feedback

Chief Justice Sahib! Ager tum ne maa ka dodh piya hai tu masjid gira kar dikhao - JUIF's Rashid Soomoro

Posted By: Saud Ali, December 29, 2021 | 19:11:13

Chief Justice Sahib! Ager tum ne maa ka dodh piya hai tu masjid gira kar dikhao - JUIF's Rashid Soomoro

چیف جسٹس صاحب! اگر تم نے ماں کا دودھ پیا ہے تو آؤ مسجد گرا کر دکھاؤ، ہم دیکھتے ہیں تم کیسے مسجد گراتے ہو۔ جمعیت علمائے اسلام (ف) کے رہنما راشد سومرو کی چیف جسٹس کو دھمکی

کراچی: طارق روڈ کی مدینہ مسجد کی جگہ پارک بحال کرنے کا حکم

سپریم کورٹ نے طارق روڈ کے قریب واقعے مدینہ مسجد کی جگہ پر ایک ہفتے میں پارک بحال کرنے کا حکم دے دیا۔

سپریم کورٹ کراچی رجسٹری میں چیف جسٹس پاکستان جسٹس گلزار احمد کی سربراہی میں طارق روڈ کے قریب مدینہ مسجد کی تعمیر سے متعلق کیس کی سماعت ہوئی، کمشنر و ایڈمنسٹریٹر کراچی سمیت دیگر افسران عدالت میں پیش ہوئے۔

ایڈمنسٹریٹر ڈی ایم سی ایسٹ نے بتایا کہ پارک کی زمین پر مسجد تعمیر ہوئی ہے، چیف جسٹس نے استفسار کیا کہ آپ غیر قانونی مسجد کے خلاف کارروائی کیوں نہیں کرتے؟ ،ایڈمنسٹریٹر مرتضیٰ وہاب نے کہاکہ عدالت حکم دے تو کارروائی کریں گے ۔

چیف جسٹس پاکستان نے کہاکہ آپ لوگوں کو دیکھ کر حیرانگی ہوتی ہے، آپ کا کام ہے اور ہمارے حکم کا انتظار کرتے ہیں، جسٹس قاضی امین نے کہاکہ یہ عبادت گاہیں نہیں اقامت گاہیں ہیں، نہ بجلی کا بل نہ کوئی اور بل، یہ تو ہمارے سامنے آگیا ہے ورنہ کراچی میں کئی جگہ غیر قانونی تعمیرات کردی گئیں اور کوئی پوچھنے والا نہیں ہے۔

چیف جسٹس نے کہاکہ جاکر دیکھیں پی ای سی ایچ ایس کا کیا حال ہوگیا ہے، 40 سال پہلے کیسا تھا کراچی اور اب کیا ہوگیا ہے، سماعت کے دوران طارق روڈ کی درست حدود معلوم نہ ہونے پر ایڈمنسٹریٹر اور ڈی ایم سی ایسٹ کی سرزنش بھی ہوئی۔

چیف جسٹس نے کہاکہ آپ لوگ دفتروں میں بیٹھنے آتے ہیں، چائےپیئیں ، گپ لگائیں اور گھر جائیں ،کام کوئی نہیں آپ کے پاس، کون کروارہا ہے سب کچھ؟ کیا کیا ہے اس شہر کے ساتھ آپ لوگوں نے، ناقابل تلافی نقصان پہنچایا ہے اس کو ٹھیک کرنے کیلئے تو دھماکا کرنا ہوگا۔

چیف جسٹس نے اپنے ریمارکس میں کہا کہ دوبارہ بنے گا یہ شہر، جیسے جرمنی بنا، جاپان بنا، پولینڈ بنا ایسے بنانا پڑے گا، جہاں 4 آدمی کا گھر تھا وہاں 40 گھرانے رہ رہے ہیں، سلپ بک رہے ہیں یہاں، کیا کررہے ہیں، صرف پیسہ ہی بنانے کا کام کرنا ہے؟ صرف پیسہ بنانے میں لگے ہیں۔

چیف جسٹس پاکستان نے کہا کہ پی ای سی ایچ ایس سے نارتھ ناظم آباد تک ایک ہی حال ہے،دو دو سو گز پر آٹھ منزلہ عمارتیں بنا دی گئی ہیں، زلزلہ آئے گا سب ختم ہوجائے گا، کروڑوں لوگ مر جائیں گے ، اگر آپ بچے تو آپ پر خون ہوگا لوگوں کا، آپ لوگوں کو کیا پرواہ ، سوچتے ہیں بوریا بستر لپیٹ کر میں تو چلا جاؤں گا ریٹائر ہوکر، باہر جاکر لائف انجوائے کروں گا جیسے سب کرتے ہیں۔

Source