وزیراعظم کے خلاف نازیبا ٹرینڈ چلانے والا سوشل میڈیا ایکٹیوسٹ گرفتار

وزیراعظم عمران خان کے خلاف سوشل میڈیا پر نازیبا ٹرینڈ چلانے والے شخص کو ایف آئی اے سائبر کرائم نے لاہور کے علاقے ماڈل ٹاؤن سے گرفتار کرلیا۔

ایف آئی اے سائبر کرائم ونگ نے لاہور میں کارروائی کرتے ہوئے وزیراعظم عمران خان کے خلاف نازیبا ٹرینڈ چلانے والے سوشل میڈیا ایکٹیوسٹ کو گرفتار کرکے اس کا موبائل فون اورڈیجیٹل میڈیا تحویل میں لے لیا۔

ایف آئی اے کے مطابق وزیر اعظم عمران خان کے خلاف سوشل میڈیا پر نازیبا ٹرینڈ چلانے والے ایکٹوسٹ صابر ہاشمی کو ماڈل ٹاؤن سے گرفتار کیا گیا۔

ملزم صابر ہاشمی نے چند روز قبل ٹوئٹر پر وزیر اعظم کےخلاف نازیبا ٹرینڈ چلایا تھا، غلیظ ٹاپ ٹرینڈ بنانے پر اس کے خلاف مقدمہ درج کرلیا گیا ہے۔

ایف آئی اے کا کہنا ہے کہ ملزم کا موبائل فون اور ڈیجیٹل میڈیا تحویل میں لے کر مزید کارروائی شروع کردی گئی ہے۔