معروف ماہرِ معیشت ڈاکٹر اشفاق حسن خان نے اے آر وائی پر ارشد شریف کے پروگرام پاور پلے میں گفتگو کرتے ہوئے بتایا کہ عمران خان نے سٹیٹ بینک کا گورنر رضا باقر کو لگایا جو کہ آئی ایم ایف کا ملازم ہے، پہلے آئی ایم ایف نے رضا باقر کو مصر میں بھیجا اور اس نے مصر کی اکانومی تباہ کردی پھر پاکستان اسے لے آیا۔ ڈاکٹر اشفاق حسن نے کہا کہ میں نے عمران خان سے بہت کہا کہ سر آئی ایم ایف میں نہ جائیں آپ ایک پاپولر لیڈر ہیں آپ کی ایک آواز پر قوم کھڑی ہوجائے گی، مگر عمران خان نہیں مانے۔ ڈاکٹر اشفاق حسن نے بہت ہی حیران کن انکشاف کرتے ہوئے بتایا کہ عمران خان نے آئی ایم ایف کے کہنے پر پاکستان میں فوج کی اہم پلسیمنٹس بھی کیں۔ جس پر اینکر ارشد شریف نے حیرت کا اظہار کرتے ہوئے کہا کہ کیا عمران خان نے اسی لئے 22 سال جدوجہد کی تھی، وہ تو پاکستان کی معیشت کو امریکی غلامی سے آزاد کرنے کی بات کرتے رہے۔ اس پر ڈاکٹر اشفاق حسن نے کہا کہ عمران خان 22 سال جدوجہد کرکے ملک کے 22ویں وزیراعظم بنے اور آئی ایم ایف کا 22واں پروگرام پاکستان میں لے کر آئے۔