یہ ملک رہنے کے قابل نہیں رہا۔
کل شام چھ بجے گلستان جوہر بلاک پندرہ سے In Drive سے رائیڈ بُک کی،شاہراہ ِ فیصل پر آتے ہی احساس ہوا کہ ڈرائیور نارمل نہیں لگ رہا اس سے کہا کہ Habbit کے پاس دو منٹ کے لیے رُکنا اس نے صاف انکار کر دیا کہ گاڑی تو کہیں نہیں رُکے گی ڈراپ آف لوکیشن سے پہلے! اور بد تمیزی کرنا شروع کر دی۔گاڑی زیادہ تیز چلانا شروع کر دی جبکہ رش آور تھا ایسے لگ رہا تھا کہ وہ نشے میں ہے۔

شکر ہے بھائی ساتھ تھا اس نے کہا بدتمیزی نہیں کرو اور گاڑی سائیڈ پر روک دو،ہم نے مزید نہیں آگے نہیں جانا اس نے گاڑی نہیں روکی اور گالیاں بکنا شروع ہو گیا ہم سب پریشان ہو گئے اس نے اچانک سڑک پر بریک لگائی بھائی کو گھسیٹتے ہوئے گاڑی سے باہر نکالا اور تشدد شروع کر دیا،بھائی کو بچانے کچھ لوگ آئے ہم نے بھی کوشش کی،بھائی کے منہ سے خون آ رہا تھا ہم جیسے تیسے وہاں سے نکل کر ہسپتال پہنچے میرا دماغ تو کام کرنا بند کر چکا تھا،اسے ہسپتال بھیجا خود بہادر آباد پولیس اسٹیشن پہنچی۔

تاکہ واقعہ کی ایف آئی آر درج ہو،پولیس چاہے سندھ کی ہو یا پنجاب کی،جیسا سنا تھا ویسا پایا،میرے ساتھ ایسا سلوک کر رہے تھے جیسے میں مجرم ہوں،درخواست لکھی لیکن پولیس نے نہ ایف آئی آر کاٹنی تھی نہ کاٹی الٹا انتظار کروایا،بہت شرمندگی محسوس ہوئی اور غصہ بھی کہ یہ کیا ملک ہے کون لوگ ہیں ہم،کیا نظام ہے ؟؟؟
وہاں ایک گھنٹہ ضائع کر کے ہسپتال پہنچی بھائی کا بازو Dislocate ہو گیا تھا ایکس ریز اور ٹیسٹ چل رہے تھے۔
اس دوران بہت سے دوستوں کو کالز کی لیکن نہ کوئی مدد کو آیا نہ آنا تھا۔یہ ہے اس دنیا کی حقیقت،جب سر پر پڑتی ہے تو آپ ہی کو کاٹنی ہوتی ہے۔اب یہ شہر یہ لوگ سب زہر لگ رہے ہیں !

اور ڈرائیور مسلسل پیسوں کا تقاضا کر رہا تھا کہ مجھے پورا کرایہ چاہئیے،اسی اثنا میں جب میں اپنا بچہ اور سامان سنبھالے ہوئی تھی ،میں نے پرس کھولا میرے پیسے نیچے گر گئے اس نے سارے پیسے اٹھائے گاڑی نکالی اور بھاگ گیا،پیسے تقریبا سات آٹھ ہزار ہی تھے۔