پاکستان مسلم لیگ ن سے تعلق رکھنے والی سیاستدان حنا پرویز بٹ نے اپنی ٹویٹ میں عمران خان کے انٹرویو کا سکرین شاٹ شیئر کیا اور انٹرویو کے ساتھ لکھے لفظ "پیڈ" کو ہائی لائٹ کرتے ہوئے کہا کہ پیسے دے کر یہ انٹرویو کروایا گیا ہے۔ اس پر انٹرویو لینے والے الجزیرہ ٹی وی کے صحافی نے حنا پرویز بٹ کے ٹویٹ کو کوٹ کرتے ہوئے لکھا کہ پاکستان کی حکومتی پارٹی سے تعلق رکھنے والی یہ سیاستدان اس سازشی تھیوری بنا رہی ہے کہ میں نے عمران خان سے یہ انٹرویو لینے کیلئے پیسے لئے۔ مہدی حسن نے مزید لکھا کہ یہاں پیڈ لفظ کا مطلب یہ ہے کہ اس انٹرویو کو ویب سائٹ کے پیڈ سبسکرائبر ہی پڑھ سکتے ہیں۔ اس کے بعد مہدی حسن نے حنا پرویز بٹ کا مذاق اڑاتے ہوئے کہا کہ تصویر کیجئے کہ اتنی جاہل اور سازشی تھیوریاں گھڑنے والی ہونے کے باوجود یہ الیکٹڈ ہے۔

مہدی حسن نے اگلی ٹویٹ میں مزید وضاحت دیتے ہوئے لکھا کہ اگر میں نے عمران خان سے پیسے لے کر ہی انٹرویو کیا ہوتا تو ویب سائٹ پر اتنے بڑے حروف میں پیڈ نہ لکھتا۔

ملاحظہ کیجئے مہدی حسن کی ٹویٹس