Imran Khan's friend Salman Ahmad's aggressive tweet against Bushra Bibi
Aerial view of huge rally under Ali Amin Gandapur's leadership heading towards Islamabad
You have destroyed Pakistan - A citizen bashes Uzma Bukhari on her face
Saudi scholar declares citizenship of non-Muslim countries haraam
Exchange of harsh words between CM Ali Amin Gandapur and Bushra Bibi
CM Ali Amin Gandapur is giving money to bring people to protest - Shandana Gulzar
Rawalpindi: Madrasse Ke Molvi Ne 12 Sala Bache Ko Ziadati Ka Nishana Bana Dia
Posted By: Altaf Zahid, September 21, 2019 | 03:12:57Rawalpindi: Madrasse Ke Molvi Ne 12 Sala Bache Ko Ziadati Ka Nishana Bana Dia
راولپنڈی: مدرسے کے طالبعلم سے بدفعلی کے الزام میں استاد گرفتار
راولپنڈی کے علاقے دھمیال میں صدر بیرونی پولیس تھانے کے حدود سے مدرسے کے طالبعلم کو مبینہ طور پر ریپ کا نشانہ بنانے پر مدرسے کے استاد کو گرفتار کرلیا گیا۔
مذکورہ شخص کو پولیس نے 12 سالہ بچے کے طبی معائنے کے بعد گرفتار کیا۔
اس حوالے سے پولیس کا کہنا تھا کہ اس واقعے کا علم جب سینٹرل پولیس افسر محمد فیصل رانا کو ہوا تو انہوں نے سپرنٹنڈنٹ پولیس (ایس پی) صدر رائے مظہر اقبال کو بچے کا طبی معائنہ کروانے کے بعد ملزم کے خلاف کارروائی کرنے کی ہدایت کی۔
تاہم جب پولیس کارروائی کے لیے پہنچی تو ملزم نے دیگر افراد کے ساتھ مل کر اپنے آپ کو بے گناہ ثابت کرنے کی کوشش کی اور پولیس کے خلاف نعرے بازی بھی کی۔
بچے کے طبی معائنے میں اس بات کی تصدیق ہوگئی کہ اس کے ساتھ بدفعلی کی گئی جس کے بعد ملزم کو حراست میں لیا گیا تاہم پولیس نے اس سلسلے میں ڈی این اے ٹیسٹ کروانے کا بھی فیصلہ کیا ہے۔
جنسی استحصال کا نشانہ بننے والے بچے کے والد کی شکایت پر پولیس نے مقدمہ بھی درج کرلیا۔
ایس پی مظہر اقبال نے اس حوالے سے بتایا کہ ’اس کیس کی شفاف طریقے سے تحقیقات کرنے کے لیے تمام تر اقدامات اٹھائے جائیں گے جس میں ڈی این اے ٹیسٹ اور دیگر قانونی کارروائیاں بھی شامل ہیں‘۔
دوسری جانب سی پی او راولپنڈی نے ایس پی کو دیگر بچوں کے ساتھ بھی اس طرح کی بدفعلی کی تحقیقات کرنے کی ہدایت کی اور کہا کہ دیگر بچوں کے ساتھ بھی ریپ کی کوئی رپورٹ سامنے آتی ہے تو اس کے لیے علیحدہ مقدمہ درج کیا جائے۔
اس کے ساتھ سی پی او نے یہ بھی ہدایت کی کہ اگر سماجی دباؤ کی وجہ سے اہلِ خانہ مقدمے میں مدعی نہ بننا چاہیں تو پولیس کی مدعیت میں ایف آئی آر درج کی جائے۔
Source
خدارا اپنے بچوں کو اکیلے مساجد اور مدارس نہ بھجوائیں۔ راولپنڈی دھمیال کیمپ کی مسجد میں قاری کی بارہ سالہ بچے ساتھ جنسی زیادتی۔ قاری صاحب کے بقول بچہ غیر مناسب لباس میں تھا جس وجہ سے ان کے اندر سفلی جذبات بیدار ہو گئے۔ pic.twitter.com/U8eAmvyH6h
— Mubarak Ali (@mubarak74) September 20, 2019
